梳著烏金長頭鬃 胭脂水粉抹紅紅
粧乎水水hiù芳芳
今仔日腳鬆手弄 歡頭喜面心輕鬆
為著欲見你一人 我的心快樂出帆
誰知命運來戲弄 一語驚醒夢中人
你的真心早就放 虛情假愛來掩khàm
叫阮m̄通閣戇等
閣戇嘛是無彩工
阮的心肝chiâu振動 全無主意茹氅氅
深深愛意lóng總藏 阮的心內有向望
日子一工過一工 不管愛等歸落冬
阮欲招你來做翁 鴛鴦水鴨來成雙
如今夢醒一場空 癡心妄想空笑夢
為何愛情即呢難 為何愛情即呢蠻
為何心情即呢煩 為何心情即呢亂
怨嘆啊怨嘆 總是難過啊難過情關
北風也寒意也懶 綿綿雨水嘛堅凍
目箍紅紅將你送 望我君健康平安
既然無緣雙手牽 凊心看破望後冬
附註：本文用字均來自網路辭典，
還請對台語文有研究的前輩多予指正。
http://iug.csie.dahan.edu.tw/q/THq.asp
鄉親啊！你敢有愛台灣否？主持人，各位會友，以下我所講的四項代誌，你若是攏毋捌做過，你就不如我愛台灣。啊擔是叨四件代誌這呢偉大？第一是鐵馬遊台灣，第二是泅水過日月潭，第三來登懸爬玉山，第四是用河洛話來~演~說。(多謝各位！) 今仔日看我的打扮嘛知影，我是欲來佮大家講一寡我騎鐵馬的經驗。
差不多三年前，我辭掉做了 12 年的工課，佇猶袂揣著新頭路進前，我決定欲去完成我自細漢的一個夢想----騎鐵馬踅台灣一輾。
我的朋友聽講我欲去環島，攏嘛佮我揬臭(國語：吐槽)，怹說：「騎鐵馬呢？彼是少年人佇咧做的代誌！你莫三斤貓想欲咬四斤鳥鼠好否？彼足悿(國語：累)、足艱苦佮危險，莫去較袂出代誌啦！」，我才無咧佮信篤咧，我對怹說：驚驚袂得等啦，無試過按怎知影會成袂成？所以我就去報名參加一個專門抴人騎鐵馬環島的團體，出發的時間是 2005 年七月份，天氣當燒熱！我的運氣毋知是甚好還是甚歹，除了我佮另外一個阿水伯以外，參加的攏是一寡高中生、大學生，這個阿水伯大我三十歲，兩年前捌參加過一擺，毋擱伊佇咧騎南迴公路的時陣摔斷一隻跤，伊轉去休睏半年，鍛鍊一年，重新擱再來，我看這個範勢，想說，害矣！連這個老歲仔我恐驚嘛拼袂過，這幾工我一定攏吊車尾！欲出發的彼個早起時，彼的少年仔用一種同情的眼光看著我佮阿水伯講：阿叔、阿伯加油喔！千萬毋通勉強啊！然後怹就~咻~像一陣風衝對頭前去囉，偆(國語：剩)我佮阿水伯兩個人佇後壁慢慢啊凸，我向阿水伯講：「阿伯啊！雖然我這兩個月嘛有練過，毋擱我猶原真煩惱是毋是會當完成這擺的環島」，阿水伯老神在在佮我講：「安啦！咱騎鐵馬環島比的是長期的耐力，不是一時的氣力，等一下你就知影囉。」果然，當咱騎到桃園龜山那段連續13公里 爬崎的時陣，彼的少年仔就開始哀爸叫母，十個有九個落車用搡(國語：推)的，毋擱咱兩人就是堅持毋落車、毋搡車；「毋管路面有多崎，只看眼前七尺闊」；橫直就是佮嘴齒根咬予緊，實實仔騎、寬寬仔騎，欸！竟然嘛騎到前幾名，所以我開始有了一寡信心，想欲佮這的猴死囝仔拼看覓。
人說：「行棋有棋步，宰豬有刀路」，騎鐵馬想欲拼頭前，實步以外嘛愛知影變步；咱攏知影世間路起起落落，有落崎當然就有爬崎，普通人騎鐵馬爬崎時攏是踏佮怦怦喘，落崎時當然愛放輕鬆，予車自己嚕落去，抑無頭拄仔拼佮流凊汗…毋就攏了去矣？你的想法干若到這，想欲贏人就較拼，咱愛會曉顛倒頭想-逆向思考，佇別人歇喘吐大氣的時陣，加倍打拼，等怹發現你對邊仔衝過去的時候，欲逐你嘛已經袂赴囉。萬不一咱若是抵到同款程度的對手欲按怎樣？這個時陣就要比啥人的藏步較厲害囉。藏步就是你的祕密武器，平常時就要偷偷仔準備好勢，佇要緊的時陣，生死的關頭，才會當提出來用。我的我的祕密武器就是-----國產的噴射引擎，保證予你走較緊，擔你嘛好啊！鐵馬抑無食汽油，叨位來的噴射引擎？我聽你咧歕雞胿！是啦，我的鐵馬是無食汽油，毋過真歹勢，鐵馬的主人有食~番薯~啦，其實，我佮這個蕃薯當做是一種心理武器，逐工騎車進前佮伊食兩條，當你騎了真痛苦，感覺有需要的時陣，就勇敢將伊放出來（~音效~）伊會當予你心內感覺：我有較緊！袂歹！擱予伊催落去（~音效~）嗯！抵才想欲放棄的彼個想法嘛親像放出去囉！橫直佇真艱苦的時陣，咱就是愛想辦法予自己感覺較好過，有當時你的尻川後如果抵好有人佮你綴著著，伊嘛是一種真有效的化學武器（~音效~），我就會當趁怹將鼻仔掩著的時陣，擱拼對頭前去，所以，佇這擺環島的前五工，我若不是騎第一個，就是騎第二個。
為什麼只有前五工騎在頭前？第六工以後發生了什麼代誌咧？敢講是有其他擱較陰險的藏步出現囉？毋是！是佇第五工的暗時，阿水伯問了我一個問題：「阿山哥啊！昨日咱騎在枋寮海邊仔日頭要落山的時陣，赫呢水的風景你敢有看到？啊猶擱有今仔日早起時咱佇咧拼南迴公路的時陣，有一欉足水的相思樹仔你敢有看到？」「阿伯啊！歹勢呢，我攏顧咧拼車，沒看到彼的風景」「啥！彼毋就足可惜矣！」是啊！我一直顧咧拼頭前到底有什麼意義咧？這敢是我來環島的唯一目的？按呢敢袂甚過無聊？甚過打損？所以對第六工開始，我就袂擱佮別人較車(國語：尬車)，我綴佇阿水伯邊仔慢慢仔騎，不時嘛停落來翕相(國語：拍照)看花草，欣賞正港台灣的水，尤其是蘇花公路彼一段，左邊是青色的山嶺，正邊是藍色的海岸，深崁(國語：懸崖)就在輾仔邊三尺外，一個無細膩，保證你隨跋落去太平洋底，真正是水到予你叫毋敢。
九工的環島真緊就過去啊，我完成了我的夢想，嘛學到了一些鋩角(國語：秘訣)；就親像彼齣電影內面講的彼句話：「有一寡代誌你這嘛毋去做，以後你永遠就袂去做啊」，各位兄姐，可能你袂想欲佮我同款用兩支跤去凸規台灣，抑毋擱你總是愛用家己的雙跤雙手凸你家己的人生，毋管你這嘛騎到叨一個所在，抵到什麼困難，愛會記得：「別人意見隨在聽，家己心頭掠予定，勇敢選擇做決定，綿爛堅持向前行，實步變步加藏步，自我鼓勵求進步，享受過程的起落，成功快樂攏會得。」
演說者：陳立山先生 台語文潤稿：何昆澤先生
資料來源：
http://www.toastmasters.org.tw/d67web/ch/convention/speech/sc/09sc-t01.html
《男兒的心聲》---魔鏡歌詞網
音樂聲，伴著迷茫的燈影，麻醉著阮的心晟，
假使你知影，為何會心疼，亦無免同情阮的命。
孤單的人孤單行，孤單的話誰人聽，
一步一步踏出著，華露滋的腳步聲，
青春年少無時定，明知壞路偏偏走，
才來留著傷心薄幸名。
《女人的心聲》---韻芝創作，minda用字指導
(一)
寂寞夜，冷風真透雨真大，嘛有雷公佮閃電，
街路攏無車，四邊無人影，只有孤單來做伴。
想起彼時鴛鴦名，甜蜜作伴牽手行，
命運作弄來拆散，雙人枕頭已成單，
苦戀心情誰人聽，手若提筆心就痛，
無字的情批要按怎寫？
(二)
青春嶺，雙人散步無嫌崎，沿路講笑伴歌聲，
舉頭算鳥隻，什麼攏不驚，因為有你來助膽。
我來看你你看我，深情對相不知厭，
美好姻緣天註定，蝴蝶雙飛彼一般，
怎知風雲起變卦，如今幸福失依偎，
一人一位是為啥？
《酒友的心聲》---韻芝創作，minda用字指導
予乾啦，酒國英雄乾杯聲，酒若落喉我上大，
逐家來作伴，破脰兼車拼，一攤飲完續一攤。
杯仔傷細提碗換，男人氣慨攏在這，
我若馬西免人扶，平路不行撞山壁，
大孔細裂才知痛，醉倒路邊等人領，
這款心情敢快活？
minda附註：
崎kia7---山路嶇也，峻也，險路
「飲」完亦可用「啉」完
謹向minda致上最誠摯的謝意
後記：
看來，誤入愛情的女人和誤入酒國的英雄
和誤入歧途的男人其實並無二致……
有關「虎」的諺語︰
虎豹母。
形容兇悍的婦女，華語為「母老虎」。
惹熊惹虎，毋通惹著刺查某。 
意即寧願觸怒熊虎，不可招惹兇悍潑辣的女人。類似諺語：「毋驚虎，只驚剌查某」。
猛虎未對(擋)得猴群。
謂老虎雖猛，仍然敵不過為數眾多的猴群，寓意寡不敵眾。
虎頭鳥鼠尾。
意即不了了之。諷喻做事有頭無尾，同義句為「虎頭蛇尾」。
虎(好)鼻師。
形容嗅覺靈敏的人。
畫虎 län (話虎 län) 。
引申譬喻說話虛幻不實，吹牛誇大，花言巧語。
類似諺語：
(1) 虎 län 嘴：喻伶牙利嘴，花言巧語，喋喋不休。
(2) 敲(khà)虎 län：比喻無事閒聊，談天說地胡謅一通。
(3) 虎 län仙：指擅長說誇大不實，子虛烏有之言的人。
虎龍豹彪。
是四種兇猛的野獸，比喻兇惡殘暴之人。
入虎口，無死嘛烏漚(áu 拗)。
意指被侮辱蹂躪後，萎靡不振之狼狽狀。比喻碰上邪惡兇暴之歹徒，不死也被蹧蹋得不成人形。
格友回應
帥安：
出外甭(mài)弄虎，在家甭弄某。
此語勸人出門在外不要招惹危險的人事物。在家呢？有一說是不要惹老婆生氣，否則沒好日子過。另一種說法是勸男人，千萬不要沒事把老婆的慾望挑起，卻無法做到，下場更慘。
劉志祥老師：
虎頭柑，排店面。
虎頭柑是皮皺外觀不雅的一種橘子，擺在店舖前面，形容醜女人愛出風頭。
笑面虎，倒咬狗。
笑面虎：指面善心惡，陰險狡詐之人。倒咬狗：原意是不動聲色的狗，相遇過後猛然回頭轉身奮力咬人的惡犬，指居心叵測之人。本句是譏嘲性格陰沈險詐，居心叵測之人，並提醒勸籲防範被陷害攻擊。
毋知是熊，抑是虎。
毋知：不知道。抑是：或是。熊與虎均為兇猛的肉食性野獸，孔武有力，獵食動物維生，性情兇殘，被視為惡霸之象徵，在此指奸惡之徒。不知是熊或是虎，原意是對於不熟識之人，其底細如何尚不清楚，但熊虎屬傷人害命的惡霸，引申為不知是熊或虎，但均為行動詭異、神祕奸邪之惡霸，並非善良之輩，應小心提防。
Jane：
清明穀雨寒死虎母。
清明到榖雨這段時間，天氣變化真大，連彼猛的虎母抑難得渡過。
虎尚歹抑未食獨己的子。
本文引用自格友minda
附錄：以下資料由格友微風提供，感恩！
話虎 län 這句話是從日語ほらふき（發音horafuky）來的，其日文寫成「法螺吹き」，是神職人員如道士在儀式上吹法螺的典故而來。「法螺吹き」的意思就是「誇大其詞」、亂蓋、「黒白講」，光復後ほら變成台語的 虎 län，所以亂蓋或講些五四三無正式的話就是「畫虎 län」。
只要有1%的可能，你曾經愛我，我會用100%的愛情回報你；
只要有1%的可能，你曾經想我，我會用100%的思念回報你；
只要有1%的可能，你曾經真誠，我會用100%的真心回報你；
只要有1%的可能，你曾經無悔，我會用100%的無怨回報你。
因為有2%的可能，你曾經愛我、想我，並且真誠無悔；
所以我決定，放你自由飛。 
|
註：慼(tsheh4) 盤(puann5) 向(ng3) 儼(giam2)硬 逮(tue3、te3)
街路冷清清，月娘掛天頂，
今夜只有閃閃的霓虹燈，（註1）
人生親像大海浪，來來去去滾無停，
是按怎的命運，予阮即款浮沉的少年？
是按怎的不明，予阮即款淒冷的人生？
是按怎的孽緣，予阮即款無分的愛情？
是按怎的目屎，做伊流未停？
不是阮不捌感情，只是感情無地還；（註2）
不是阮的心已經冷，明知留戀無路用；
不願講為誰犧牲，幸福注定難安定；（註3）
阮是雲遊的鷹，習慣冷淡看風景，
阮是雨後的虹，甘願冷淡看世情，（註4）
向望有一工，
這漂浪的旅行會完成，
註1：閃閃siam2-sih4 兩個閃字，字同，音不同；或用閃熠(sih4) -(sip8 )，字音不同，意相近
註2：無地還也可用無得還
註3：誰也可用啥、甚
註4：虹在此為話音kheng7，若要表示文音則為hong5
註5：藉此機會向大家推薦由minda老師主筆的優良台語文部落格
註6：純粹創作，我的人生一點也不悲情，謝謝大家。
分隔線引用:http://tw.myblog.yahoo.com/jw!kKfRFy6LERnHNmYaBcCXBthIVRG6YaRF7A--/article?mid=7480&page=0#7583
今夜的雨紛紛，鬱卒的心情無人問，
是按怎無欲睏？是你在折磨阮，
予阮啥物攏無春。
今夜的風陣陣，孤單的心情無人問，
是按怎無欲睏？是你在擾亂阮，
予阮有體無靈魂。
人生已經無青春，為何艱苦許呢長？
是你合我無緣分，抑是緣分將咱分？
入阮相思門，因何不知相思悶，
我的愛情佗位囥？我的思慕按怎斷？
瞑瞑等待天光，天光以後嘛是淚滾滾。
想著你就心酸酸，以為愛情真單純，
我的苦戀者可恨，毋管別人怎議論，
心事攏總家己吞。
可嘆阮命運，忍著心酸含嘴唇，
幸福永遠算未準，算未準......
囥 khng3
附註：改寫自＜想著你就心酸酸＞---公視＜輾轉紅蓮＞片尾曲
之一---
這城市，者纏綿，月娘照窗墘，北風也空虛；
無我的你，日子啥滋味？
放阮孤單在傷悲，目屎tshap4-tshap4滴，手寫斷腸詩。
這心機，無藥醫，人生自古為情癡，最是難度病相思，
親像新蕊離老枝，情海茫茫找無邊，
想in牛郎佮織女，若欲相會等一年。
悲傷放未離，思慕寄天星，今夜為你笑微微，
若是睏未去，舉頭一目瞬，望你了解阮心意。
這愛情，像咖啡，酸中帶苦嘛有甜，捧杯敬家己；
等何時？痛到自然醒，梟心將你來放棄！
我在佗位，欲對佗位去？
從今以後，不敢復躊躇，無你的城市。
之二 ---
夜都市，者纏綿，月娘照窗墘，北風也虛微；
無妳的伊，日子沒滋味！
放伊孤單在傷悲，目屎tshap4-tshap4滴，手寫斷腸詩。
歹時機，無藥醫，人生自古為情癡，最是難度病相思，
親像新蕊離老枝，情海茫茫找無邊；
欣羨牛郎佮織女，每年總有相會時。
心事隨風去，相思寄天星，今夜為妳閃閃熠，
若是睏未去，舉頭一目瞬，望妳了解伊心意。
說愛情，像咖啡，酸中帶苦嘛有甜，乾杯敬家己，
等何時？愛到自然醒，痛心將妳來放棄！
妳在佗位，誰人陪伴妳？
從今以後，不敢復想起，無妳的城市。
minda老師附註：
墘 kinn5
將插字的提手部改成三點水就是tshap4-tshap4的漢字
舉 gia5
瞬 nih4 (有人用即字目聶nih4 電腦無即字需要造字)
in 因字左邊加人部首(如你字部首)就是in的漢字，需造字，所以用台羅拼音
自己＝家己
分隔線引用:
格友瓜子攝於97年12月1日20時 是微笑的月亮喔
＜相思夢夢中情＞
思念親像一陣風
無暝無日無形蹤
想欲將伊來輕放
偏偏愈 (ju2) (或用更king3) 是意難忘
為情傷
是阮憨
心肝未(bue7 , be7) 清爽
復想無路用
是阮較善良
猶是天生好肚量
世間誰 (也可用 啥 siann2)人無苦衷
甘願犧牲做英雄
唉 收笑容
心梟雄
看破來流浪
佮 (合) 你來參詳
今夜相會在夢中
PS. 改寫自明哥＜今生愛後世情＞
感謝minda老師用字指導
後記:口白---
是啦，
猶原佮彼一暝同款的情景，四邊的北風是許呢淒冷，
但是綿綿的雨水也未凍澆熄咱兩人火一般的熱情，
妳有講過，只要我離開台中的太平，
妳隨後就欲佮妳的父母抗爭，佮我組織一個家庭，
誰知，誰知影我在屏東的崁頂，
親像望穿秋水彼一般，目屎流不停，目睭強強欲來失明，
已經也空等你三年啦！
唉！癡情的我，癡情的我阿成，
甘是世間第一閒兼第一僥倖！？
小白
北風寒 伊在彼
冬天的第一陣雨落到許呢大
伊猶復在彼 對透早到深夜
無一个乾鬆猶是溫暖的所在通好行
連天公伯仔嘛為伊心痛
連天公伯仔嘛為伊著驚
連天公伯仔嘛為伊煩惱到未睏嘛未食
主人啊 你敢知影我一直在這
在即个你放撒我的大埕
擱會記得彼時我猶是囝仔
你講我是你的心肝
你會加我惜命命
咱兩个要一世人相依相偎
牽手作伙行
即馬我老啊 干若向望有你的陪伴
恬恬恬恬慢慢仔行
不通放撒我 我不驚等到日頭落山
不過我驚孤單 嘛驚來來去去的車
復較驚你返來的時尋未著我
不通放撒我
我在這等你來加我導
等你遠遠傳來的腳步聲
等你復一擺叫我的名
minda老師附註：(汝的文章有出現羅馬字拼音，下列請參考，我用的版本是台羅拼音。)
在 ti7
的 e7
許 hia1
猶i a2、iau2
个 e5 也可用個 e5
乾鬆 ta1- sang1
行 kiann5
仔 a2
未食 bue7-tsiah8
敢知 kam2-tsai1
放撒 pang3- sat4
講 kong2
會 e7
你 li2 也可用汝 li2。
彼 hia1、pi2、hit4。
加 ka1 也可用共 kang7 。
擱 koh4 是俗用字（借音），應用復koh4較正確。
不 m7 也可用毋 m7 。
要 beh4 也可用卜 beh4、欲 beh4。
娶 tshua7 是娶妻，正確字需造字毛下面加灬 ，導也可用。
第一段中， 許呢即二字嘛有人寫做許爾或遐呢、遐爾。
